Вы тут

Журналісты распавялі, як Расія абыходзіць эмбарга на нафту

Здабыча нафты

Журналісты The Wall Street Journal выявілі схему, якая дазваляе расійскім нафтавым кампаніям экспартаваць сыравіну ў абыход заходніх санкцый. Схема гранічна простая, і ў ёй замяшаная краіна Балтыі.

Расійская нафта загружаецца на танкеры па адрасе "невядомы пункт прызначэння". Далей яна перапампоўваецца на буйнейшыя танкеры, дзе змешваецца з іншай нафтай, ператвараючыся ў "латвійскую сумесь" і "туркменскую сумесь". Гэтая сыравіна санкцыямі ўжо не абкладаецца, бо юрыдычна ўжо не з'яўляецца расійскай.

WSJ піша, што па падобнай схеме абыходзяць санкцыі Іран і Венесуэла. ЗША забаранілі купляць іх нафту шэрагу найбуйнейшых краін-спажыўцоў. Але "змяшаны" сорт ужо не лічыцца іранскай ці венесуэльскай нафтай.

З моманту ўварвання ва Украіну 11 млн барэляў расійскай нафты былі загружаныя на танкеры па такой схеме. Да вайны аб'ём паставак па такой схеме быў нулявым.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.