Журналістку Кацярыну Андрэеву перавялі з гомельскай калоніі №4

Журналістка "Белсата" Кацярына Андрэева пераведзеная з гомельскай папраўчай калоніі №4. Лісты, якія людзі пісалі ёй у калонію, вяртаюцца адпраўнікам з паметкай: "Адрасата няма ў ПК". . 

Куды перавялі Кацярыну — пакуль невядома. Гэта можа быць СІЗА (калі на яе пачалі новую крымінальную справу) ці турма (калі яе вырашылі за нешта пакараць). У любым выпадку перавод азначае пагаршэнне ўмоваў утрымання журналісткі. 

Раней з гомельскай жаночай калоніі ў турму пераводзілі іншую палітзняволеную — грамадзянку Швейцарыі Наталлю Хершэ. Так яе спрабавалі змусіць напісаць прашэнне аб памілаванні на імя Лукашэнкі.

18 лютага Хершэ была вызваленая з-за кратаў дзякуючы намаганням швейцарскіх дыпламатаў. У зняволенні яна правяла 17 месяцаў.