Жонка Валерыя Цапкалы падтрымала Святлану Ціханоўскую (відэа)
![Жонка Валерыя Цапкалы падтрымала Святлану Ціханоўскую (відэа)](/sites/default/files/styles/gallery_main/public/2023-08/capkala-1506.jpg.webp?itok=Z6lqUACM)
Вераніка Цапкала, жонка прэтэндэнта на пасаду прэзідэнта Валерыя Цапкалы, запісала відэазварот у падтрымку Святланы Ціханоўскай.
"Святлана, як мама, як жанчына я вас падтрымліваю і знаходжуся на вашым баку", — заявіла Вераніка Цапкала.
Як распавядала Еўрарадыё, Святлана Ціханоўская 16 чэрвеня заявіла, што атрымала пагрозы на свой адрас і на адрас сваіх дзяцей, таму плануе выйсці з прэзідэнцкай гонкі.
У сваім звароце Вераніка Цапкала заявіла: "Я звяртаюся да праваахоўных органаў нашай краіны і прашу іх дапамогі ў расследаванні гэтага абуральнага выпадку. Я веру, што мы жывем у краіне, дзе няма месца страху, дзе няма месца маніпуляцыі. Асабліва калі гаворка ідзе пра жыццё дзяцей і жанчын".
Дарэчы, пасля затрымання Сяргея Ціханоўскага, мужа прэтэндэнткі на прэзідэнцкае крэсла, Валерый і Вераніка Цапкалы прыйшлі на адзін з пікетаў Ціханоўскай, каб паставіць свае подпісы за яе вылучэнне.
— Валерий Цепкало (@ValeryTsepkalo) June 16, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.