Вы тут

Жонка шэйха Дубая ўцякла ў Еўропу разам з дзецьмі і $40 млн

instagram.com/hrhprincesshaya/

Адна з шасці жонак шэйха Дубая і прэм’ер-міністра ААЭ Мухамеда аль-Мактум збегла ад яго ў Еўропу разам з дзецьмі. Таксама жанчына здолела вывесці буйную суму грошай — амаль 40 мільёнаў долараў.

Прынцэса Хая бінт аль-Хусейн спачатку папрасіла прытулак у Нямеччыне. Арабскі прынц патрабаваў выдаць яму жонку, але атрымаў адмову. Пазней прынцэса атрымала прытулак у Вялікабрытаніі і пасялілася ў Лондане.

Крыніцы з атачэння шэйха сцвярджаюць, быццам жанчына мае намер падаць на развод. Яна забрала з сабой 11-гадовую дачку і 7-гадовага сына. Хая бінт аль-Хусейн выйшла замуж у 2004 годзе.

Раней з ААЭ спрабавалі ўцячы дзве дачкі прэм’ер-міністра. Адна з іх, Лаціфа аль-Мактум, зрабіла дзве такія спробы. Абедзве кончыліся няўдала. Яна сцвярджае, што пасля першай спробы яе тры гады трымалі ў зняволенні, а пасля другой прымусова лекавалі псіхіятры, піша meduza.io са спасылкай на замежныя СМІ.