Жанчына, якая падпаліла сябе на “Камінтэрне” ў Гомелі, усё яшчэ ў рэанімацыі
![Жанчына, якая падпаліла сябе на “Камінтэрне” ў Гомелі, усё яшчэ ў рэанімацыі](/sites/default/files/styles/gallery_main/public/2023-08/gom.jpg.webp?itok=RsO09cJf)
Жанчына, якая падпаліла сябе на прахадной гомельскай фабрыкі “Камінтэрн”, усё яшчэ знаходзіцца ў рэанімацыі, паляпшэнняў няма, стан цяжкі. Пра гэта Еўрарадыё паведамілі ў Гомельскай лякарні.
Як паведамляла Еўрарадыё, раніцай 9 чэрвеня 55-гадовая супрацоўніца прадпрыемства падпаліла сябе на прахадной. Яна атрымала больш за 50% апёкаў цела. На фабрыцы жанчына адпрацавала прыбіральшчыцай больш за 10 гадоў.
Па словах кіраўніцтва фабрыкі, заробак у яе быў “годны”. Калегі жанчыны распавялі Еўрарадыё, што ў яе маглі быць праблемы з афармленнем пенсіі, бо некаторы час яна працавала ў Расіі.
Па словах відавочцаў, перад тым як падпаліць сябе, жанчына пракрычала, што “ў яе скралі 18 гадоў працоўнага стажу”.