Зборныя Беларусі і РФ адхілілі ад удзелу ў спаборніцтвах па стральбе з лука

Зборныя Беларусі і Расіі адхілілі ад удзелу ў спаборніцтвах па стральбе з лука. Такое рашэнне прыняў выканкам Сусветнай федэрацыі стральбы з лука.

"Пачынаючы з 2 сакавіка ні адзін спартсмен, афіцыйны прадстаўнік каманды або тэхнічны прадстаўнік з Расіі ці Беларусі не будзе дапушчаны да ўдзелу ў якіх-небудзь міжнародных спаборніцтвах па стральбе з лука да далейшага паведамлення, — гаворыцца ў заяве. — Сюды ўваходзяць любыя спаборніцтвы, якія прадугледжваюць ачкі сусветнага рэйтынгу, кваліфікацыйныя спаборніцтвы, мерапрыемствы пад эгідай арганізацыі".

Пры гэтым дзейнасць нацыянальных федэрацый не забараняецца.

Прычына санкцый — расійская агрэсія супраць Украіны. Беларусь называюць яе саўдзельнікам.