Затрыманы ў Польшчы беларус Малахоўскі выйшаў з пракуратуры
Грамадзянін Беларусі Макарый Малахоўскі выйшаў з польскай пракуратуры. Разам з ім ягоны адвакат. У якім Малахоўскі цяпер статусе, пакуль невядома.
Пра гэта щ каментары Еўрарадыё распавяла дзяўчына беларуса, затрыманага напярэдадні па запыце беларускіх сілавікоў у Інтэрпол.
На Малахоўскага ў Беларусі пачалі крымінальную справу за "гвалт або пагрозу гвалту" ў дачыненні да сілавіка. Па версіі беларускага боку, ён нібыта наехаў на супрацоўніка ДПС 13 жніўня 2020-га. Тады хлопца адправілі на Акрэсціна і праз некалькі дзён выпусцілі разам з іншымі затрыманымі ў першыя дні пратэстаў.
