Кіраўнік МУС Польшчы:затрыманне Малахоўскага — палітычнае выкарыстанне Інтэрпола
Міністр унутраных спраў Польшчы Марыюш Камінскі пракаментаваў затрыманне беларуса Макарыя Малахоўскага па лініі Інтэрпола. На думку міністра, гэта палітычнае выкарыстанне міжнароднай структуры.
"Учорашні арышт грамадзяніна Беларусі ў Пясэчна — вынік чарговай спробы палітычнага выкарыстання т.зв. "чырвонай ноты Інтэрпола". На гэты раз беларускім рэжымам. Ужо ў ліпені я звярнуўся да кіраўніцтва Інтэрпола і ўказаў на неабходнасць зменаў", — напісаў Камінскі ў Твітары.
Як распавядала Еўрарадыё, беларускага палітуцекача Макарыя Малахоўскага затрымалі ў Польшчы, бо ён знаходзіцца ў базах Інтэрпола. У Польшчы Малахоўскі жыве з лістапада 2020-га па гуманітарнай візе. Паводле звестак СМІ, Малахоўскага падазраюць у гвалце або пагрозе гвалту ў дачыненні да супрацоўніка міліцыі.
Wczorajsze zatrzymanie obywatela Białorusi w Piasecznie to wynik kolejnej próby politycznego wykorzystania tzw. czerwonej noty Interpolu. Tym razem przez białoruski reżim. Już w lipcu zwróciłem się do władz @INTERPOL_HQ, wskazując na potrzebę zmian w tym zakresie.
— Mariusz Kamiński (@Kaminski_M_) September 13, 2021
