Затрыманы начальнік службы прадпрыемства "Газпрам трансгаз Беларусь"
![Цэнтральны офіс "Газпрам транзіт Беларусь" у Мінску / belarus-tr.gazprom.ru](/sites/default/files/styles/gallery_main/public/2023-08/CentrO.jpg.webp?itok=7s52dLp-)
Цэнтральны офіс "Газпрам транзіт Беларусь" у Мінску / belarus-tr.gazprom.ru
Затрыманы начальнік службы прадпрыемства "Газпрам трансгаз Беларусь". На відэа сілавікоў мужчына кажа, што "падпісаны на дэструктыўныя тэлеграм-каналы". Паводле яго слоў, ён рабіў рэпосты з "Чорнай кнігі Беларусі", у якой знаходзіў "персанальныя даныя калег, дзяржаўных службоўцаў".
Сілавікі сцвярджаюць, што мужчына "вёў агітацыю ў працоўным калектыве", а таксама "распаўсюджваў экстрэмісцкія матэрыялы, накіраваныя супраць Беларусі і Расіі".
"Газпрам трансгаз Беларусь" — даччынае прадпрыемства расійскай кампаніі "Газпрам".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.