Затрымалі дваіх падазраваных у падпале рэдакцыі нямецкай газеты
У Гамбургу паліцыя арыштавала дваіх мужчын па падазрэнні ў спробе падпалу рэдакцыі Hamburger Morgenpost.
Газета раней перадрукавала карыкатуры на прарока Мухамеда з французскага сатырычнага часопісу Charlie Hebdo.
Напад на рэдакцыю быў здзейснены раніцай у нядзелю, калі ў акно былі кінутыя камяне і запалены прадмет, інфармуе ВВС.
Шкода нанесеная тром пакоям на першым паверсе, аднак полымя хутка патушылі і ніхто з людзей не пацярпеў.
