#засталіся_дома — антывірусная праграма Еўрарадыё
Магчыма, хтосьці і абярэ ў якасці сродкаў супрацьстаяння каранавірусу такія лекі, як трактар, гарэлка ці лазня. Але далёка не ўсім гэтыя новыя метады лячэння падыходзяць. Такія людзі аддаюць перавагу метаду праверанаму — самаізаляцыі дома.
#засталіся_дома — новая праграма Еўрарадыё, у якой мы будзем гаварыць з бізнесменамі і палітыкамі, артыстамі і экспертамі пра жыццё і працу ў новых абставінах. Пра тое, як у самаізаляцыі не з’ехаць з глузду, не згубіць сувязь з рэчаіснасцю і не абмяжоўваць свае інтарэсы канапай і лядоўняй.
Вядзе праграму рэдактар Еўрарадыё Зміцер Лукашук. Госці прэм’ернага выпуску — спявачка, вакалістка гурта Shuma Руся і ўдзельнік каманды Лабараторыі лічбавых свабод праваабарончай арганізацыі Human Constanta Андрэй Сушко.
