За ўдзел у пратэстах судзілі трэнера па водным пола
Радзівон Баравы / facebook.com
Радзівон Баравы атрымаў 2,5 года "хатняй хіміі".
За ўдзел у пратэстах ў Мінску судзілі трэнера па водным пола Радзівона Баравога. Ён атрымаў 2,5 года "хатняй хіміі", піша @viasna96.
Справу разглядаў суд Ленінскага раёна сталіцы (суддзя — Юлія Шут). Пасля абвяшчэння прысуду мужчыну вызвалілі ў зале суда. Ён быў за кратамі з лютага.
Трэнера судзілі за ўдзел у адным з мірных вулічных маршаў 2020-га ў Мінску. Баравы прызнаў віну і распавёў, што ішоў з натоўпам у тым ліку па праезнай частцы.
facebook.com
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.