З-за п'янага кіроўцы ледзь не канфіскавалі трактар
П’яны слесар на трактары сельгаскааператыва “Бярозавец” ездзіў па вёсцы Малькавічы ў Ганцавіцкім раёне.
Як паведамляе газета “Савецкае Палессе”, яго затрымалі супрацоўнікі ДАІ. Высветлілася, што падобнае правапарушэнне мужчына здзейсніў другі раз за год і па новым заканадаўстве трактар падлягаў канфіскацыі.
Аднак кіраўніцтва СВК падало заяву ў міліцыю аб крадзяжы сельгасмашыны. Таму злоўлены слесар панясе крымінальную адказнасць за ўгон аўтатранспарта, а трактар будзе далей працаваць на палях гаспадаркі.
Фота — bymedia.net
