З пляжу сабралі 5 тон пластыкавага смецця
5 тон смецця сабралі на пляжы ў Бузоўна, пасёлку на ўскраіне Баку, валанцёры і актывісты разам з працаўнікамі агенцтваў ААН у Азербайджане. Сабраныя пластыкавыя бутэлькі і пакеты, кансервавыя бляшанкі, цыгарэтныя недапалкі і іншае смецце аддалі на перапрацоўку.
Он нас всех переживёт
Акцыя праходзіла ў межах праекта "Тыдзень навакольнага асяроддзя", прымеркаванага да Сусветнага дня навакольнага асяроддзя.
Сусветны дзень навакольнага асяроддзя (World Environment Day), заснаваны ААН, адзначаецца штогод 5 чэрвеня. У гэты дзень эколагі і прыродаахоўныя арганізацыі ўсяго свету ўсяляк спрабуюць прыцягнуць увагу грамадскасці і ўрадаў да праблем навакольнага асяроддзя.
У 2018 годзе тэма Дня навакольнага асяроддзя — "Бой забруджванню пластыкам". Маецца на ўвазе, што людзі павінныя перагледзець свае звычкі і абмежаваць выкарыстанне пластыкавых бутэлек і пакетаў, якія, пасля таго як іх выкідваюць, наносяць вялікую шкоду экалогіі і жывой прыродзе.
, full_html
