З панядзелка ў Мінску пачнуць адключаць гарачую ваду
У панядзелак у Мінску пачнуць адключаць гарачую ваду. Прафілактычныя працы на трубаправодах цепласетак павінны былі пачацца з 10 траўня, аднак з-за пахаладання графік адключэнняў гарачага водазабеспячэння ссунулі на некалькі дзён.
Адключэнне будзе адбывацца паэтапна і расцягнецца да канца жніўня. Стандартны тэрмін адсутнасці гарачай вады ў кватэрах — 14 дзён. Часам прафілактычныя працы завяршаюцца раней, у некаторых выпадках зацягваюцца на больш працяглы тэрмін, пра што асобна паведамляюць жыхарам пэўных дамоў і мікрараёнаў.
Графік адключэнняў гарачай вады ў Мінску на травень і пачатак чэрвеня можна паглядзець на сайце Мінгарвыканкама.
