З пачатку міграцыйнага крызісу суседзі Беларусі з ЕС не ўпусцілі 67000 чалавек

Літоўскія памежнікі на мяжы з Беларуссю / PETRAS MALUKAS / AFP / EastNews
Літоўскія памежнікі на мяжы з Беларуссю / PETRAS MALUKAS / AFP / EastNews

З 3 жніўня 2021 года памежнікі Літвы, Латвіі і Польшчы не пусьцілі ў свае краіны каля 67 тысяч мігрантаў. З таго часу яны ў праве выдвараць мігрантаў-парушальнікаў са сваёй тэрыторыі.

Асноўны паток прыйшоўся на Польшчу. Яна не прыняла 44 579 чалавек. Літоўскія памежнікі развярнулі больш за 15 тысяч мігрантаў, а латвійскія — 7257 чалавек. Пра гэта паведамляе памежная служба Літвы.

У апошні час прыток мігрантаў у кірунку Літвы павялічыўся, паколькі беларускія ўлады абралі менавіта гэтую краіну асноўнай мэтай ў міграцыйным крызісе, адзначае ведамства.

З другой паловы жніўня кожны тыдзень у Літву з Беларусі спрабуюць нелегальна трапіць больш за 600 мігрантаў, а ў Польшчу і Латвію прыкладна ў тры і дзевяць разоў менш.

Гэта "наўпрост звязана з актыўнымі дзеяннямі беларускіх памежнікаў", перакананыя ў Літоўскай памежнай службе. Там падкрэсліваюць, што беларускія памежнікі накіроўваюць мігрантаў да мяжы і нават дапамагаюць бурыць агароджу, якую ўзвялі літоўцы.

Для гэтага беларускія памежнікі нават абзавяліся новай "зброяй" — нажніцамі для рэзкі металу, — рэзюмуе памежная служба Літвы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі