З Марыяй Калеснікавай пасля аперацыі пабачыўся бацька
![Марыя Калеснікава / Еўрарадыё](/sites/default/files/styles/main_image_watermark_/public/2023-08/kaliesnikava-0512.jpg.webp?itok=k2u7RNSV)
Марыя Калеснікава / Еўрарадыё
З Марыяй Калеснікавай сустрэўся бацька, Аляксандр Калеснікаў, паведамляе прэс-служба Віктара Бабарыкі. Па словах бацькі, Марыя схуднела, у яе пакуль што мала сіл.
10-хвіліннае спатканне з палітзняволенай праходзіла пад наглядам лекара і супрацоўнікаў калоніі. Яшчэ на выходных Марыю перавялі з гомельскага шпіталя хуткай дапамогі ў калонію, і цяпер яна знаходзіцца ў медыцынскім стацыянары. Пад наглядам дактароў Калеснікава правядзе яшчэ не менш за 10 дзён. Афіцыйна агучаны дыягназ — прабадная язва.
Як паведамлялася раней, на мінулым тыдні Калеснікава з ШІЗА гомельскай калоніі трапіла ў рэанімацыю гомельскага шпіталя. Да Марыі не дапускалі ні адваката, ні бацьку, які прыехаў у Гомель. Яе палату ахоўвалі міліцыянты, у тым ліку ўзброеныя.
Марыю Калеснікаву затрымалі ў верасні 2020 года: яна парвала на мяжы свой пашпарт, адмовіўшыся выязджаць ва Украіну. На закрытым судзе ёй прызначылі 11 гадоў калоніі.
![Марыя Калеснікава падчас сустрэчы з бацькам Марыя Калеснікава падчас сустрэчы з бацькам](/sites/default/files/styles/default_image_paragraph/public/paragraphs/image/masha-0512.jpg.webp?itok=30pET21m)
Марыя Калеснікава падчас сустрэчы з бацькам
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.