Яраш просіць Кіеў узброіць яго хлопцаў на ўсходзе Украіны
Партыя "Правы сектар" мае сувязь з патрыятычнай моладзю, якая жыве ў Данецкай, Луганскай абласцях, дзе дзейнічаюць прарасійскія баевікі.
І яна просіць, каб цэнтральныя ўлады Украіны далі зброю. Пра гэта заявіў кандыдат у прэзідэнты, лідар "Правага сектару" Дзмітро Яраш. Ён адзначыў, што гэтыя маладыя людзі гатовыя абараняць свае гарады і вёскі, змагацца за тэрытарыяльную цэласнасць Украіны.
Таксама Яраш паведаміў, што сябры "Правага сектару" знаходзяцца ў батальёнах тэрытарыяльнай абароны Узброеных сілаў Украіны ва ўсходніх абласцях. Толькі ў Нацыянальнай гвардыі налічваецца да 1 тысячы чалавек з яго партыі, а яе мабілізацыйныя рэзервы налічваюць 10 тысяч байцоў, адзначыў палітык.
"Мы не плануем нейкай сілавой дзейнасці ў краіне, бо разумеем, што нельга дапускаць "махноўшчыны", — цытуе словы Дзмітра Яраша УНН.
Фота — ria.ru
