Як ідзе будаўніцтва чыгуначнай галінкі ў аэрапорт. Фотафакт
Будаўніцтва прыкметна прасунулася. Станцыю "Садовы" чакае рэканструкцыя і абнаўленне / kolodischi.by
Пад Мінскам працягваецца будаўніцтва чыгуначнай галінкі ў аэрапорт "Мінск-2". Работы вядуцца ў раёне станцый "Калодзішчы" і "Садовы".
Від з маста над чыгункай у Калодзішчах, з якога можна назіраць пракладзены трэці шлях у аэрапорт / kolodischi.by
Актыўныя работы вядуцца на станцыі "Садовы" / kolodischi.by
Шлях у аэрапорт у раёне пасёлка Калодзішчы / kolodischi.by
Работы ідуць штодня / kolodischi.by
Плануецца, што чыгунка пройдзе па існуючым маршруце ад станцыі "Мінск-Пасажырскі" да станцыі "Гарадзішча", пасля якой у бок аэрапорта дабудуюць 18 кіламетраў новых шляхоў.
Працягласць маршруту складзе 41,8 кіламетра, арыентыровачны час у дарозе складзе каля 30 хвілін.
Застаецца адкрытым пытанне, якія цягнікі будуць курсіраваць па новай галінцы. Электрацягнікі "Штадлер" у Беларусі выводзяцца з эксплуатацыі з-за немагчымасці іх рамонту.
Тэрміны рэалізацыі транспартнага аб’екта запланаваны на 2028–2029 гады.
