Ціханоўская і "баявыя сяброўкі" сабралі стадыён у Бабруйску: фота месяца
![Ціханоўская і "баявыя сяброўкі" сабралі стадыён у Бабруйску: фота месяца](/sites/default/files/styles/gallery_main/public/2023-08/4bfec400-7975-43db-abfa-249a96f3a77d.jpg.webp?itok=EgwZBBHp)
25 ліпеня кандыдатка ў прэзідэнты Беларусі Святлана Ціханоўская разам са сваімі "баявымі сяброўкамі" — так называюць сябе прадстаўніцы штабоў Валерыя Цапкалы і Віктара Бабарыкі Вераніка Цапкала і Марыя Калеснікава, — наведала Магілёўскую вобласць. Жанчыны-палітыкі выступілі ў Оршы, Магілёве і Бабруйску.
Сустрэча ў Бабруйску пачалася ў 21:00. "Такое ўражанне, што выйшаў увесь горад", — сказалі выступоўцы, гледзячы на паўнюткі стадыён. Па ацэнках "Радыё Свабода", на спартыўнай пляцоўцы сабралося каля 6 тысяч чалавек. З наступленнем цемры людзі ўключылі ліхтарыкі на тэлефонах.
Сёння прадстаўніцы Аб'яднанага штабу на чале са Святланай Ціханоўскай сустрэнуцца з жыхарамі Жлобіна, Рэчыцы і Гомелю.
![Ціханоўская і "баявыя сяброўкі" сабралі стадыён у Бабруйску: фота месяца](/sites/default/files/paragraphs/image/945c9598-6e3d-4e4c-8a33-ca4607082f19.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.