Вялізны пажар на складзе Ozon пад Масквой, ёсць 11 пацярпелых
![Вялізны пажар на складзе Ozon пад Масквой, ёсць 11 пацярпелых](/sites/default/files/styles/gallery_main/public/2023-08/azon-0308-2.jpg.webp?itok=dQBmDBQp)
Адзінаццаць чалавек пацярпелі на буйным пажары на складзе кампаніі Ozon пад Масквой, перадае ТАСС.
"Усяго пацярпелі 11 чалавек, з іх двое шпіталізаваныя, дзевяцярым дапамога аказаная амбулаторна", — заявілі журналістам ратавальнікі.
Пажар пачаўся каля 12:30 паводле маскоўскага часу. Плошча складу займае 20 тысяч квадратных метраў. Паведамляецца, што пажар бачны з вышыні авіярэйсаў.
Пры пажары абрынулася сцяна будынка. Са склада самастойна эвакуяваліся тысяча чалавек.
З агнём змагаюцца Да 96 ратавальнікаў і 30 адзінак тэхнікі, у тым ліку два верталёты Ка-32.
Ozon — гэта найстарэйшая ў Расіі ўніверсальная інтэрнэт-крама.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.