Віленскі аэрапорт пачынае прымаць самалёты з лідарамі 50 краін, прыляцеў Байдэн
Джо Байдэн і Гітанас Наўседа. Вільня, 10 ліпеня 2023-га / АР
У панядзелак Віленскі аэрапорт пачынае прымаць самалёты з лідарамі 50 краін, паведамляе Delfi. 11 ліпеня ў Вільні адкрыецца саміт NATO.
Ужо прыляцеў прэзідэнт ЗША Джо Байдэн. Яшчэ раней у сталіцу Літвы прыбылі прэзідэнт Турцыі Рэджэп Таіп Эрдаган і прэм'ер-міністр Канады Джасцін Трудо.
Саміт пройдзе 11-12 ліпеня. Напярэдадні ў Літве былі размешчаныя найноўшыя сістэмы супрацьпаветранай абароны, у тым ліку Patriot. Зроблена гэта дзеля бяспекі сусветных лідараў.
Чакаецца, што на саміце NATO будзе прэзідэнт Украіны Уладзімір Зяленскі.
