Віленскі аэрапорт на некалькі гадзінаў прыпыняў працу праз паветраныя шары з кантрабандай
Віленскі аэрапорт / LRT
Віленскі аэрапорт на некалькі гадзінаў прыпыняў працу праз паветраныя шары з кантрабандай, піша выданне LRT.
Усяго ў паветранай прасторы краіны зафіксавалі калі 20 аб'ектаў, падобных да кантрабандных шароў. Дарадца літоўскага Нацыянальнага цэнтра кіравання крызісамі Дарыюс Бута сцвярджае, што частка з іх была наўмысна накіраваная ў бок аэрапорта.
"Паводле ацэнак экспертаў, якія кіруюць паветранай прасторай над Віленскім аэрапортам, прынамсі частка гэтых шароў была накіравана амаль проста ў яго паветраную зону", — сказаў Бута ў эфіры LRT.
Праца аэрапорта была спыненая да пятнічнай раніцы.
