Вы тут

Вікторыя Азаранка — у паўфінале адкрытага чэмпіянату ЗША

Вікторыя Азаранка / Reuters

Вікторыя Азаранка — у паўфінале адкрытага чэмпіянату ЗША па тэнісе. У паядынку 1/4 фіналу беларуска лёгка абыграла Элізэ Мертэнс з Бельгіі — 6:1, 6:0. Азаранка на сённяшні дзень з'яўляецца 27-й ракеткай свету, Мертэнс — 18-й.

Наступная саперніца Вікторыі Азаранка — амерыканка Серэна Уільямс, у якой 8-е месца ў сусветным рэйтынгу. І Азаранка, і Уільямс — былыя першыя ракеткі свету. Яны сустракаліся 22 разы і толькі ў 4-х паядынках выйгравала беларуская тэнісістка. У 2012 і 2013 гадах амерыканка абыгрывала Вікторыю ў фінале US Open.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.