Вікторыя Азаранка: Дзінара Сафіна перайграла мяне тактычна

Беларуская тэнісістка Вікторыя Азаранка пракаментавала сваё сённяшняе паражэнне ў 1/4 фінала адкрытага чэмпіянату Францыі ад першай ракеткі свету расіянкі Дзінары Сафінай (6:1, 4:6, 2:6).
"У мяне было шмат магчымасцяў, але я не сумела іх рэалізаваць, — цытуе Азаранку BBC sport. — Яна адступала, калі ёй неабходная была перадышка і выдатна гуляла ў ключавых момантах матчу. Я магу толькі павучыцца ў яе і паспрабаваць стаць лепшай".