Віктару Бабарыку абвясцілі вымову ў калоніі

Віктару Бабарыку абвясцілі вымову ў калоніі

Адміністрацыя папраўчай калоніі неабгрунтавана прыцягвае Віктара Бабарыку да дысцыплінарнай адказнасці, заяўляе прэс-служба Бабарыкі. Яму вынеслі адну вымову і ёсць пагроза другога спагнання.

Гэта можа пацягнуць за сабой змяшчэнне ў штрафны ізалятар (ШІЗА), скарачэнне колькасці перадач і спатканняў і нават новую крымінальную справу.

Таксама паведамляецца, што Бабарыка павінен насіць на вопратцы жоўтую бірку — як вязень, пастаўлены на прафілактычны ўлік. Паводле папярэдніх звестак, на ўлік ён трапіў як асоба, "схільная да захопу закладнікаў, нападу на адміністрацыю і хуліганскіх праяваў".

Прэтэндэнт на прэзідэнцкую пасаду Віктар Бабарыка асуджаны на 14 гадоў. Пакаранне ён адбывае ў папраўчай калоніі №1 у Наваполацку. Праваабаронцы прызналі яго палітвязнем.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі