Вы тут

Віктар Медзвядчук даў паказанні супраць Пятра Парашэнкі

Віктар Медзвядчук у СБУ

Абвінавачаны ў дзяржаўнай здрадзе ўкраінскі алігарх, палітык, "кум Пуціна" Віктар Медзвядчук даў паказанні супраць экс-прэзідэнта Украіны Пятра Парашэнкі. Яны датычаць так званай "вугальнай справы" (пра гандаль з самаабвешчанымі "Л/ДНР") і прыватызацыі трубаправода "Прыкарпатзахадтранс".

Пра затрыманне Медзвядчука СБУ стала вядома ў сярэдзіне красавіка. У новым відэа ён расказвае пра схемы, да якіх мае дачыненне Парашэнка.

Еўрарадыё распавядала, што з трубаправодам і пастаўкамі вугалю таксама звязаны і беларускі алігарх Мікалай Варабей.

Яшчэ ў даваенны час Пётр Парашэнка атрымліваў шматлікія падазрэнні па розных справах часоў яго прэзідэнцтва. У адказ ён жорстка крытыкаваў Уладзіміра Зяленскага. Пасля пачатку вайны Парашэнка заявіў, што ўсё гэта ў мінулым, а яны з Зяленскім паразумеліся.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.