Віктар Ганчарэнка сустрэўся з фанатамі “Кубані” (фотафакт)
Цяпер ужо былы галоўны трэнер расійскага клуба развітаўся з футбольнымі заўзятарамі, якія паспелі яго палюбіць.
Мяркуючы па фотаздымку, выкладзеным у Твітэр, сустрэча атрымалася масавай.
Беларускі спецыяліст Віктар Ганчарэнка, які раней працаваў у БАТЭ, амаль год вёў футбольны клуб “Кубань”, але на гэтым тыдні быў адпраўлены ў адстаўку.
Паводле афіцыйнага паведамлення Беларускай федэрацыі футболу, Ганчарэнка можа разглядацца як кандыдат на пасаду галоўнага трэнера зборнай Беларусі, аднак пакуль з ім не вядуцца перамовы на гэты конт.
