Відэа, як на БТ Байдачны вучыў правільна гаварыць праўладнага палітолага
![Відэа, як на БТ Байдачны вучыў правільна гаварыць праўладнага палітолага](/sites/default/files/styles/gallery_main/public/2023-08/bajd.jpg.webp?itok=EN0z4hy5)
Грамадска-палітычнае ток-шоу "Форум" на тэлеканале "Беларусь 1", якое выйшла ў эфір увечары 19 снежня, было прысвечана беларускаму футболу. Нечакана сярод яго ўдзельнікаў апынуўся праўладны палітолаг Вадзім Баравік. Ён не стаў цырымоніцца, заявіў, што "ўся гісторыя зборнай — ганьба". У зборнай Беларусі амаль заўсёды нізкі рэйтынг. "Апусцілі краіну!", — сказаў Баравік. Паводле яго слоў, у каманды "няма духу" і ёй патрэбны "добры псіхолаг".
Ён прывёў прыклад абаронцаў Брэсцкай крэпасці летам 1941-га, якія так доўга супраціўляліся нямецкім войскам. "А вы не можаце добра ў футбол гуляць!", — заявіў Вадзім Баравік, гледзячы на прысутных футбалістаў. Тут ён выкарыстаў слова "трэнера". І калі за ім слова ўзяў былы галоўны трэнер беларускай зборнай Анатоль Байдачны, то адразу сказаў: "Па-першае, не "трэнера", а "трэнеры" правільна гаварыць трэба!". Зала сустрэла яго словы апладысментамі.