Відэа CNN: расійскія салдаты са спіны расстралялі двух грамадзянскіх асоб
![Відэа CNN: расійскія салдаты са спіны расстралялі двух грамадзянскіх асоб](/sites/default/files/styles/gallery_main/public/2023-08/cnn-1205.jpg.webp?itok=pS48DDTM)
Кампанія CNN апублікавала відэа, як расійскія салдаты на Кіеўшчыне расстралялі двух бяззбройных грамадзянскіх жыхароў. Здарэнне адбылося 16 сакавіка.
На відэа бачна, як пяцёра расійскіх салдат спрабуюць трапіць у аўтасалон на ўскрайку Кіева: яны страляюць па замках і разбіваюць шыбу. Гаспадар салона падыходзіць да іх з паднятымі рукамі. Тыя абшукваюць яго. Потым падыходзіць ахоўнік аўтасалона — 68-гадовы Леанід Пляц (як распавяла яго дачка), яго таксама абшукваюць.
Пасля кароткая размовы кіяўляне паварочваюцца і ідуць да свайго паста аховы. Тады расійскія салдаты страляюць ім у спіну.
Потым на відэа бачна, як салдаты рабуюць аўтасалон. Яшчэ жывы Леанід Пляц у гэты час падымаецца на ногі і ідзе да паста аховы. Ён спрабуе датэлефанавацца, каб выклікаць дапамогу. Аднак добраахвотнікі не паспелі яго выратаваць.
У Офісе генпракурора Украіны заявілі, што гэтае забойства будуць расследаваць як ваеннае злачынства, перадае hromadske.ua.
Асцярожна! Шакуючае відэа!
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.