"Вашынгтон" Міхаіла Грабоўскага пацярпеў хатняе паражэнне ад "Нью-Ёрка"
Беларускі форвард правёў на пляцоўцы 17 хвілін 37 секунд і выйграў 6 з 11 укідванняў.
"Рэйнджарс" закінулі ў вароты "Кэпіталз" дзве безадказныя шайбы ў другім перыядзе. Зразумела, што ў гэтым матчы Міхаіл Грабоўскі ачкоў не набраў. Пасля 7 гульняў у яго застаецца 6 ачкоў: 3 шайбы і 3 выніковыя перадачы.
Затое днямі Грабоўскі стаў лепшым бамбардырам у НХЛ сярод беларусаў. На адно ачко ён абыйшоў Андрэя Касціцына, які зараз выступае за чалябінскі “Трактар”.
