Вы тут

Валерый Вакульчык пацвердзіў затрыманне Яўгена Баскіна

Старшыня КДБ Валерый Вакульчык пацвердзіў затрыманне бізнесмена Яўгена Баскіна. Аб затрыманні генеральнага дырэктара кампаніі “Сервалюкс” стала вядома раніцай 15 сакавіка.

Па словах Вакульчыка, разам з бізнесменам за кратамі апынуўся фінансавы дырэктар і іншыя супрацоўнікі кампаніі. Агулам сёння затрымалі 15 службовых асобаў групы кампаній "Сервалюкс" і "Экамол Агра". Іх падазраюць ва ўхіленні ад выплаты падаткаў у асабліва буйным памеры. Толькі са суткі следства налічыла стратаў на 370 млрд рублёў, інфармуе БелаПАН. Баскін спрабаваў пакінуць краіну, яго затрымалі ў аэрапорце.

Адзначым, што цэнтральны офіс групы кампаній "Сервалюкс" знаходзіцца ў Магілёве. Затрыманні былі там праведзеныя ў панядзелак у другой палове дня. Усіх затрыманых супрацоўнікі спецслужбаў вывезлі ў сталіцу.

Кампанія “Сервалюкс” з'яўляецца самым буйным у Беларусі вытворцам мяса птушкі. Баскін уваходзіць у шасцёрку самых паспяховых бізнесменаў краіны па версіі “Ежедневника”.

Старшыня КДБ: Затрыманыя 20 чалавек, Юрый Чыж уцякаў на аўтамабілі

 

Яўген Баскін. Фота: tut.by