Урад рэкамендуе ўсім удзельнічаць у суботніку добраахвотна
Рэспубліканскі суботнік адбудзецца 16 красавіка. Такое рашэнне прынятае пастановай Савета Міністраў №423.
Працоўную групу для падрыхтоўкі і правядзення рэспубліканскага суботніка ўзначаліў віцэ-прэм'ер Анатоль Тозік. Рэкамендавана правесці рэспубліканскі суботнік на добраахвотнай аснове, паведамляе прэс-служба ўрада.
Грашовыя сродкі, заробленыя на працоўных месцах у дзень суботніка, у добраахвотным парадку пералічваюць праз раённыя і гарадскія выканкамы ў аблвыканкамы і Мінскі гарвыканкам.
