Уладзімір Макей сёння наведвае Брусэль
Там пачынаецца сустрэча кіраўнікоў МЗС краін Еўрасаюза і краін-удзельніц “Усходняга партнёрства”.
"Гэты візіт адбудзецца па запрашэнню высокага прадстаўніка ЕС па замежных справах і палітыцы бяспекі Кэтрын Эштан і еўракамісара па пытаннях пашырэння і Еўрапейскай палітыкі суседства Штэфана Фюле", - растлумачылі ў знешнепалітычным ведамстве. Плануецца, што удзельнікі сустрэчы абмяняюцца думкамі аб стане і перспектывах супрацоўніцтва ў рамках "Усходняга партнёрства", а таксама абмяркуюць пытанні падрыхтоўкі да трэцяга саміту, які пройдзе ў Вільні 28-29 лістапада. Уладзімір Макей мяркуе сустрэцца з кіраўніцтвам еўраструктур, кіраўнікамі дэлегацый шэрага краін - членаў ЕС і дзяржаў-партнёраў.
Нагадаем таксама, што магчымасць наведваць краіны ЕС кіраўнік беларускага МЗС атрымаў толькі месяц таму. Да гэтага ён знаходзіўся ў так званым “чорным спісе” беларускіх чыноўнікаў, якім забаронены ўезд на тэрыторыю краін Еўрасаюза.
