Уладальнікаў монаколаў і электрасамакатаў прыраўняюць да пешаходаў

Грамадзян, якія перасоўваюцца на электрасамакатах, гіраскутарах і монаколах, прыраўняюць да пешаходаў.

Пра гэта сказана ў новых правілах ПДР, паведамляе "Інтэрфакс-Захад" са спасылкай на ДАІ МУС. 

Дапушчальная хуткасць не можа перавышаць 25 кіламетраў у гадзіну. Такія прылады павінны мець спраўныя тармазы і рулявое кіраванне, фару або ліхтар для перамяшчэння ў цёмны час сутак. 

Перасякаць праезную частку на электрасамакатах і монаколах новыя ПДР дазваляюць з хуткасцю пешахода, які ідзе крокам. Акрамя таго, трэба загадзя знізіць хуткасць і выязджаць на праезную частку толькі калі забяспечаная бяспека.

Ездзіць на гіраскутарах і монаколах людзі павінны па веласіпеднай дарожцы, а калі яе няма, то па тратуары, пешаходнай дарожцы альбо абочыне.