Вы тут

Украінскія эксперты пасля гісторыі з Паўлам Грыбам баяцца ехаць у Мінск

На фота svaboda.org (злева направа) кіраўнік праекту Belarus Security Blog Андрэй Паротнікаў, дэпутат польскага Сейму Міхал Каміньскі і старшыня АГП Анатоль Лябедзька.

На міжнародны круглы стол, прысвечаны рэгіянальнай бяспецы і вучэнням "Захад-2017", не прыехалі прадстаўнікі Украіны. Ініцыятарам дыскусіі выступіла Аб'яднаная грамадзянская партыя. 

У каментары Радыё "Свабода" старшыня АГП Анатоль Лябедзька паведаміў, што Украіну на форуме былі запрошаныя прадстаўляць дэпутат Вярхоўнай Рады Дзмітрый Тымчук і палітолаг Юрый Бутусаў

"Абодва яны збіраліся прыехаць у Мінск і далі сваю згоду на паездку. Аднак пасля гісторыі з грамадзянінам Украіны Паўлам Грыбам, які быў затрыманы ў Беларусі і перададзены расіянам, яны адмовіліся прыяжджаць у Мінск, патлумачыўшы, што яны не маюць гарантыі ўласнай бяспекі", — распавёў Лябедзька.

Напрыканцы жніўня ў Беларусі знік 19-гадовы Павел Грыб — сын сябра грамадскай рады Памежнай службы Украіны Ігара Грыба. Хлопец паехаў у Гомель на сустрэчу з дзяўчынай з Расіі, з якой пазнаёміўся ў сацсетках. Пазней стала вядома, што Паўла Грыба ў Расіі вінавацяць у датычнасці да тэракту. Ён знайшоўся ў СІЗА ў Краснадары. 

Дзяўчына, з якой ён перапісваўася, прызналася, што дзейнічала па заданні расійскіх спецслужбаў. Беларускія ўлады заявілі, што могць пачаць крымінальную справу па знікненні ўкраінца на нашай тэрыторыі. 

Новости других медиа
Загрузка...
Загрузка...

Галоўнае

Выбар рэдакцыі