Украінскія байцы прарвалі "лінію Суравікіна" і набліжаюцца да Вербавога
Украінскія вайскоўцы на фронце / facebook.com/GeneralStaff.ua
Украінскія байцы пішуць, што прарвалі "лінію Суравікіна" і набліжаюцца да Вербавога на Запарожскім фронце (на паўднёвы-ўсход ад Рабоціна, якое было вызвалена нядаўна). Нягледзячы на выкарыстанне рэзерваў, расіяне не могуць стрымаць украінскі наступ. "Такім чынам, "зубы цмока" стрымлівалі ўкраінскіх салдат каля 24 гадзін", — піша адзін з украінскіх вайскоўцаў. Іншы пацвярджае, што Вербавое ўжо атакуюць.
Напярэдадні пра поспехі каля Вербавога паведамляў Генштаб Украіны.
Афіцыйна расійскі бок не прызнаў нават страты Рабоціна, заяўляецца, што там яшчэ ідуць баі. А каля Вербавога расійскія войскі нібыта паспяхова адбіваюць шматлікія атакі.
Пра тое, што ўкраінскія войскі прарвалі "лінію Суравікіна", піша BILD.
