Украінскі гурт "Фіолет" выступіў у Мінску пасля чатырох гадоў забароны

Тады, у сакавіку 2016 года, забарона на ўезд у Беларусь стала поўнай нечаканасцю і для самога Мартынюка, і для іншых музыкаў. “Фіолет” мусіў выступіць у Брэсце, Мінску і Віцебску, але канцэрты былі адмененыя.

Музыкі вельмі радыя, што сёлета ў іх атрымалася сустрэцца з беларускай публікай. У Мінску іх за чатыры гады не забылі — на канцэрце было больш за 100 гледачоў. Што праўда, за гэты час рэпертуар гурта істотна змяніўся. Але хаця "Фіолет" з большага граў песні, якія ў Беларусі ніколі не выконваліся, усе мелі магчымасць пераканацца: хлопцы засталіся такімі ж рамантыкамі, як і былі.

Наступны канцэрт "Фіолета" адбудзецца 15 лютага ў Брэсце. Пасля гурт вернецца ва Украіну — але на сэрцы пасля канцэрта так цёпла, што хочацца верыць: неўзабаве мы ізноў пачуем хлопцаў у Беларусі.