Украіна вярнула з палону нацгвардзейцаў з ЧАЭС, якіх вывозілі ў Беларусь
Падчас абмену / t.me/ermaka2022
23 лістапада адбыўся чарговы абмер ваеннапалоннымі паміж Украінай і Расіяй. Як піша кіраўнік Офіса прэзідэнта Украіны Андрэй Ярмак, на радзіму вернута 36 чалавек: 22 байцы Нацыянальнай гвардыі, 8 памежнікаў, 4 марскія пехацінцы, адзін вайсковец і адзін цывільны (у яго ампутаваная нага). Сярод вызваленых ёсць абаронцы "Азоўсталі", а таксама нацгвардзейцы, якія былі ўзятыя расіянамі ў палон на Чарнобыльскай АЭС на пачатку вайны (іх вывозілі ў Беларусь).
