Украіна і Расія абвінавацілі адна адну ў абстрэлах Запарожскай АЭС

У чацвер Украіна і Расія абвінавацілі адна адну ў абстрэлах Запарожскай АЭС. Агулам было нанесена пяць удараў. Сітуацыю на экстраным пасяджэнні збіраецца абмеркаваць Савет бяспекі ААН, піша "Бі-Бі-Сі".

Запарожская АЭС з сакавіка 2022-га знаходзіцца пад кантролем акупацыйных расійскіх войскаў. Украінскі "Энергаатам" заявіў, што "прылёты" былі ў раёне камендатуры станцыі — "побач з участкам зваркі і сховішчам крыніц выпраменьвання". Паведамлялася пра пашкоджанне помпавай станцыі гаспадарча-бытавых сцёкаў і задымленне. Пазней у кампаніі паведамілі, што ўзровень радыяцыі ў ваколіцах АЭС не перавышае нормы. Таксама пра гэта заявілі і ў расійскай акупацыйнай адміністрацыі.

Нядаўна ўкраінскі прэзідэнт Уладзімір Зяленскі заявіў, што Расія павінна адказаць за стварэнне пагрозы для Запарожскай АЭС. G7 патрабуе неадкладна вярнуць Запарожскую АЭС пад поўны кантроль Украіны.

No video provider was found to handle the given URL. See the documentation for more information.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.