Украіна будуе плот на мяжы з Беларуссю
Плот на мяжы Украіны і Беларусі / t.me/tymoshenko_kyrylo
Украінцы ўзводзяць плот на мяжы з Беларуссю. Пра гэта ў сваім тэлеграм-канале паведаміў намеснік кіраўніка Офіса прэзідэнта Украіны Кірыл Цімашэнка.
"Роў, насып, жалезабетонны плот з калючым дротам — гэта інжынерныя загароды, якія будуюць на Валыні. Такім чынам ужо ўладкавана каля 3 км мяжы, работы працягваюцца. Гэта яшчэ не ўсё, але падрабязнасці раскрываць не будзем. Таксама работы вядуцца ў Ровенскай і Жытомірскай абласцях", — напісаў ён.
Па словах Цімашэнкі, адпаведныя фартыфікацыйныя збудаванні ўзводзяць у тых рэгіёнах, якія мяжуюць з Расіяй.
Украіна не першая з суседак Беларусі, якая ўзводзіць плот. Раней такія ж збудаванні на мяжы паставілі Польшча і Літва. Цяпер плот ставіць таксама Латвія.
