Удзельнікі лыжнага рэйду ў гонар угодкаў Каліноўскага прабеглі 7 км
26 лютага грамадская ініцыятыва Беларуская Нацыянальная Памяць зладзіла лыжны рэйд у гонар 173 ўгодкаў з Дня Нараджэння Кастуся Каліноўскага.
Такі рэйд ладзіцца ўжо другі год запар.
У акцыі ўзялі ўдзел беларускія студэнты з Варшавы і Беластоку. Удзельнікі прабеглі 7 км ад вёскі Баброўнікі да вёскі Мастаўляны, бо менавіта ў Мастаўлянах нарадзіўся беларускі нацыянальны герой Кастусь Каліноўскі.
У Беластоку удзельнікаў рэйду прыйшоў прывітаць гісторык, старшыня Беларускага Гістарычнага Таварыства Алег Латышонак, які падараваў кожнаму са студэнтаў кнігу Янкі Запрудніка "Дванаццаць".
