У Ждановічах міліцыя канфіскавала 800 улётак са зваротам да прадпрымальнікаў

На рынку Ждановічы міліцыя канфіскавала ў актывіста прадпрымальніцкага руху 800 улётак, якія мелі выходныя дадзеныя. У іх быў змешчаны зварот да мясцовых прадрымальнікаў. Каардынацыйная рада індывідуальных прадпрымальнікаў заклікае абараняць свае правы і рыхтавацца да акцый пратэсту.

Як паведаміў “Еўрарадыё” палітык і грамадскі дзеяч Вячаслаў Сіўчык, міліцыю выклікаў чалавек у цывільным, які сачыў за распаўсюдам улётак на рынку.