У Йемене расстралялі грамадзян Беларусі
Адзін з іх загінуў, другі быў цяжка паранены. Раней меркавалася, што стралялі ў расіян.
Здарэнне адбылося раніцай у аўторак у сталіцы Йемена Сане.
Як паведамляе РІА "Новости", у беларусаў стралялі, калі яны выходзілі з гасцініцы "Амстэрдам", размешчанай ў цэнтры горада. Невядомыя кілеры пад'ехалі на матацыкле. Загінуў мужчына ва ўзросце 60-65 гадоў, паранены знаходзіцца ў крытычным стане ў рэанімацыі мясцовай бальніцы.
Вядома, што беларусы працавалі па прыватным кантракце. Паводле іншых звестак, яны былі вайсковымі дарадцамі і працавалі ў адной з частак прэзідэнцкай аховы Узброеных Сілаў Йемена.
Гл.таксама: МЗС: Беларусы, якіх абстралялі у Йемене, працавалі па афіцыйным кантракце
Фота — ria.ru
