У Вільні адбылося ўрачыстае адкрыццё выставы "Беларускі мартыралог"

У Вільні адбылося ўрачыстае адкрыццё выставы "Беларускі мартыралог". Выстава партрэтаў беларускіх палітвязняў аўтарства Ксішы Анёлавай будзе працаваць да 26 лістапада ў Доме-музеі Марыі і Юргіса Шлапялісаў (Вільня, вуліца Піліес 40), паведамляюць праваабаронцы.

"Калі я гляджу на гэтыя партрэты — мне балюча, — кажа прысутная на адкрыцці выставы Святлана Ціханоўская. — Шмат з гэтых людзей я ведаю асабіста. Я не магу ўявіць, як ім складана цяпер і фізічна, і псіхалагічна. Але я таксама ведаю, што яны там — разлічваюць на нас з вамі. Тэма палітвязняў павінна гучаць кожны дзень — на міжнародных форумах, высокіх сустрэчах і ў публікацыях СМІ".