Вы тут

У Віцебску ліквідуюць дзіцячы хоспіс, які існаваў з 2000 года

Віцебскія ўлады вырашылі зачыніць мясцовы дзіцячы хоспіс / pixabay.com

Віцебскія чыноўнікі вырашылі ліквідаваць дзіцячы хоспіс. 12 студзеня абласны суд будзе разглядаць адпаведную справу, пішуць "Народныя навіны Віцебска". Пазоўнікам выступае галоўнае ўпраўленне юстыцыі Віцебскага аблвыканкама. 

Дзіцячы хоспіс у Віцебску быў заснаваны ў 2000 годзе. Яго заснавала дактары Сяргей і Таццяна Лялік, якія самі страцілі дзіця. 

Дарэчы, паўгода таму дзіцячы хоспіс быў ліквідаваны і ў Гродне. Яго кіраўніца Вольга Вялічка была вымушаная з'ехаць ад палітычнага пераследу ў Польшчу. 

У Віцебску акрамя хоспіса Галоўнае ўпраўленне юстыцыі аблвыканкама 12 студзеня хоча ліквідаваць цэлы шэраг грамадскіх арганізацый. Гэта спартовы клуб воднага пола "Віцьбіч", таварыства дружбы "Полацк-Фрыдрыхсгафен", супольнасць "Шлях з варагаў у грэкі" і дубровенскае таварыства пчаляроў-аматараў.

"Зачыстка" грамадскіх арганізацый у Беларусі цягнецца з ліпеня 2021-га. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.