У вайсковую часць у Мінску прыязджала "дэлегацыя" з акупаванага Мелітопаля
Зброю прапаноўвалі ўзяць у рукі / minsknews.by
У вайсковую часць 5448 унутраных войскаў МУС Беларусі ў Мінску прыязджала "дэлегацыя" з акупаванага расіянамі ўкраінскага горада Мелітопаля. Як паведамляе minsknews.by, яна складалася з моладзі: 32 студэнтаў і школьнікаў. Для хлопцаў і дзяўчат наладзілі экскурсію ў Цэнтральны музей унутраных войскаў МУС РБ, дзе ім прапаноўвалі патрымаць у руках зброю. А пасля гасцям паказалі, як рыхтуецца змена для сілавікоў у "ваенна-патрыятычным клубе".
