У Ваўкавыску за падпіску на "экстрэмістаў" затрымалі доктара санаторыя
![РАУС у Ваўкавыску](/sites/default/files/styles/gallery_main/public/2023-09/volkovysk_rovd28_09.jpg.webp?itok=R3AjHbhh)
РАУС у Ваўкавыску / wikimapia.org
Сілавікі паведамляюць пра новыя затрыманні ў Ваўкавыску. Публікуюць дадзеныя чатырох чалавек — трох мужчын і адной жанчыны. Сярод затрыманых — супрацоўнікі прадпрыемства "Беллакт" і намеснік галоўнага доктара санаторыя "Пралеска". Ён кажа, што быў затрыманы за распаўсюд у сацсетках "экстрэмісцкіх матэрыялаў і ўдзеле ў чат-боце плана "Перамога". Яшчэ адзін мужчына кажа, што падтрымліваў Украіну. Астатнія двое "прызнаюцца", што апынуліся ў міліцыі за "распаўсюд экстрэмісцкіх матэрыялаў".
Нагадаем, што напярэдадні сілавікі ўжо паведамлялі аб затрыманні ў Ваўкавыску групы людзей. Падстава тая ж — распаўсюд "экстрэмісцкіх" матэрыялаў.
Як раней адзначалі праваабаронцы "Вясны", актыўнасць сілавікоў у гэтым рэгіёне звязаная з нядаўнім інцыдэнтам. Падчас аднаго з побытавых выклікаў быў збіты супрацоўнік міліцыі. Пасля гэтага ў Ваўкавыск накіравалі падмацаванне з Мінска і Гродна, пачалася "зачыстка".
![В Волковыске за подписку на "экстремистов" задержали замглавврача санатория](/sites/default/files/styles/default_image_paragraph/public/paragraphs/image/volk_28_09.jpg.webp?itok=ZbW-ytlc)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.