У Светлагорску гарэла ЦЭЦ
Пажар узнік у будынку, дзе размешчаны катлатурбінны цэх / gomel.mchs.gov.by
У Светлагорску ў чацвер здарыўся пажар на мясцовай ЦЭЦ, паведамілі ў МНС. Ратавальнікам патэлефанавалі ў 15.24. Паведамілі, што гарыць кабельны тунэль катлатурбіннага цэха. Ён размешчаны ў трохпавярховым цагляным будынку.
Пажар патушылі. Але агонь паспеў пашкодзіць 2 камплектныя размеркавальныя прылады і 2000 пагонных метраў кабеляў. Людзі не пацярпелі.
Чаму ўзнікла ўзгаранне, высвятляюць спецыялісты.
Агонь пашкодзіў абсталяванне і кабелі / gomel.mchs.gov.by
