У Светлагорскім раёне разбіўся дэльтаплан, пілот загінуў
![Загінуў пілот мотадэльтаплана](/sites/default/files/styles/gallery_main/public/2024-08/deltaplan-3008.jpg.webp?itok=Eln08A20)
Загінуў пілот мотадэльтаплана / Следчы камітэт
У Светлагорскім раёне загінуў пілот дэльтаплана, паведамляе прэс-служба Следчага камітэта.
Трагедыя адбылася 29 жніўня. Жыхар Светлагорска папрасіў знаёмага з Гомеля правесці выпрабаванні яго мотадэльтаплана.
Мужчыны прыехалі на кукурузнае поле каля аграгарадка Чыркавічы. Гамяльчук падняў мотадэльтаплан у паветра, але неўзабаве лятальны апарат зваліўся.
Пілота даставілі ў клініку. Медыкі змагаліся за яго жыццё, але ўначы мужчына памёр.
Прычыны трагедыі высвятляюць следчыя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.